VIDENS

VIDENS

Hebr. Gap desc: Hebrew nomen, quô Prophetae antiquitus indigitati. Namqui Propheta hodie, antiquitus vocabatur Videns, 1. Samuel. c. 9. v. 9. Sic, indica mihi, ubi sit domus Videntis, Ibid. v. 18. Et Ieduthun Videns Regis, appellatur 2. Chron. c. 35. v. 15 A' visione, qui unus fuit ex divinae revelationis modis, quae Prophetis fiebat. Numer. c. 12. v. 6, 7, 8. Si Propheta vobis, per visionem meipsum Iehovam notum facio ei, aut per somnium alioquor eum. Non sic servus meus Moses ---- Ore ad os alloquor eum ---- alspectu et non in aenigmatibus, et speciem Iehovae videt. Nempe cum tribus praecipue modis Deus se Prophetis paterfacerer, per Intellectum, per Phantasiam et per Sensus externos: in primo, eorum mentibus immediate illapsus, iis formas quaslibet et ideas rerum imprimebat; in secundo, varias rerum species in illorum phantasia pingebat, vel in Visione, quae vigilantibus, amotô tantisper sensu eoru, obiciebatur, vel in Somno, quae dormientibus; in ultimo, per sensus et sensibilia externa iis sutura revelabat, mente interim sui compote, nec istô, quô percussa erat, lumine, magnopere alienatâ Accedebant aliquando raptus, cum corporales, tum mentales, miraeque et insolitae corporis agitationes et membrorum motus, quin et languores, corporisque Deum amplius pati non valentis aegritudines, de quibus omnibus vide Franc. Burmannum, Synopsi Theol. Christ. Part. prior. l. 3. c. 5. et aliquid supra, ubi de Prophetis. Postea vox Visionis latius extensa, prophetiam quamcumque notare coepit, uti ex Prophetis discimus passim. Imo et ad fictiones Poeticas siguificandas transiata occurrit, apud Papin. Statium, l. 2. Sylv. 1. v. 22.

Plorantemque animam supra sua funera vidi.

Qua dere vide Casp. Barthium, Adversal. l. 44. c. 26. et supra, ubi de Poetarum, qui Gentilium Prophetae dicuntur Apostolo, furore. Hodie Videntem Iudaei vocant, qui Synagogae curam gerit et interni Fori controversias decidit, uti legas apud Dominicum Macrum, Hierolexicô.